Gara për kryetar të Pejës pritet të jetë ndër më interesantet në rang vendi. Partitë kanë zgjedhur më kujdes kandidatët e tyre për qytetin buzë Bistricës. Tash e nëntë vjet, kryetari i Pejës vazhdimisht e ka pasur emrin Ali. A mund të ndodhë sivjet të fitojë dikush që nuk e mban këtë emër?

Partitë opozitare, LDD-ja dhe AAK-ja, kanë akuzuar kryetaren e KQZ-së se është vënë në shërbim të PDK-së. Nesrin Lushta mohon akuzat, derisa thotë se kurrë nuk ka qenë pjesë e ndonjë subjekti politik. PDK-ja konsideron se opozita po kërkon qysh tash alibinë e humbjes që do ta pësojë në zgjedhjet e 15 nëntorit.

Komisioni Qendror i Zgjedhjeve ka vendosur edhe një herë kundër përdorimit të kamerave në zgjedhjet lokale. Lihet hapësirë për aplikim të tyre vetëm në qendrën e numërimit dhe të rezultateve.

PDK dhe LDK do të hyjnë në zgjedhjet lokale, duke i ndihmuar njëra-tjetrës. Hajredin Kuçi thotë se nëse PDK dështon të futet në balotazh në ndonjë komunë, atëherë ajo do të mbështesë kandidatët e LDK’së. Ose, e kundërta. Qëllimi është ruajtja e stabilitetit qeverisës dhe goditja e partive opozitare. Ramush Haradinaj ende nuk beson se kjo mund të ndodhë.